အင်တာနက်ထဲက ဝက်ဘ်ဆိုက်ပေါင်း (၂)သန်းခန့်ဟာ နေ့စဉ်နဲ့အမျှ လျှို့ဝှက်တိုက်ခိုက်မှုတွေ ခံနေရတယ်လို့ ဆိုပါတယ်။ အဆိုပါ ဝက်ဘ်ဆိုက်တွေထဲက (၆၀)ရာခိုင်နှုန်းဟာ ရပ်ဆိုင်းသွားခြင်း (သို့မဟုတ်) တိုက်ခိုက်သူတွေ ရောက်စေချင်တဲ့ တခြားဝက်ဘ်ဆိုက်တစ်ခုကို ရောက်သွားခြင်းတွေ ဖြစ်တတ်ပါတယ်။ ဒီလိုတိုက်ခိုက်ခံထားရတဲ့ ဝက်ဘ်ဆိုက်တစ်ခုကို ဖွင့်ကြည့်မိတဲ့ အင်တာနက်သုံးစွဲသူ တစ်ဦးအနေနဲ့ ဝက်ဘ်ဆိုက်မှာရှိတဲ့ မည်သည့်အရာကိုမျှ clickနှိပ်ကြည့်ရှုခြင်း မပြုပေမယ့်လည်း သူ့ရဲ့ကိုယ်ရေးကိုယ်တာ အချက်အလက်တွေ (personal information)ကတော့ ခိုးယူခံရနိုင်ပါတယ်။ ထိုကဲ့သို့ တိုက်ခိုက်မှုပုံစံကို ပုံမှန်သုံးနေကြ anti-virus software တစ်မျိုးတည်းနဲ့ မကာကွယ်နိုင်ပါဘူးလို့ ဆိုပါတယ်။ ဒီပြဿာနာကို ဖြေရှင်းနိုင်ဖို့ AVG anti-virusမှ AVG LinkScannerကို အင်တာနက်သုံးစွဲသူတွေအတွက် အခမဲ့ဖြန့်ချိလိုက်ပါတယ်။ AVG LinkScannerဟာ ဝက်ဘ်ဆိုက်တွေကို ကြည့်ရှုစဉ်မှာ အချိန်နဲ့တပြေးညီ ကာကွယ်မှုပေးနေမှာပါ။ URL တစ်ခုကို ရိုက်ထည့်လိုက်ပြီဆိုတာနဲ့ အဲဒီURLရဲ့ web pageတွေဟာ အန္တရာယ်ကင်း မကင်းဆိုတာ AVG LinkScannerက scan လုပ်ပေးပါလိမ့်မယ်။

AVG LinkScannerက search engineသုံးပြီး ရှာဖွေမှုတွေမှာလည်း ကာကွယ်မှုပေးပါတယ်။ Google, Yahoo, MSN အစရှိတဲ့နေရာတွေမှာ search လုပ်တဲ့အခါ စိတ်ချရတဲ့ ဝက်ဘ်ဆိုက်တွေရဲ့ search resultတွေကိုသာ စိစစ်ရွေးချယ်ပေးမှာပါ။ နောက်ပြီး AVG LinkScannerဟာ Bookmarksတွေ၊ instant message, emailတို့မှာ ပါလာတဲ့ linksတွေကိုလည်း scan လုပ်ပေးပါတယ်။ AVG LinkScannerရဲ့ ထူးခြားချက်တစ်ခုကတော့ ဝက်ဘ်ဆိုက်တစ်ခုရဲ့ pageတွေကို ခွဲခြမ်းစိတ်ဖြာပြီး scan လုပ်ပါတယ်။ scan လုပ်ပြီးတဲ့အခါ ဝက်ဘ်ဆိုက်ရဲ့ page (၂)ခုကို malware ဖြန့်ဖို့သုံးတာ တွေ့ရတယ်ဆိုပါစို့။ AVG LinkScannerက အဲဒီ page (၂)ခုကိုပဲ block လုပ်လိုက်မှာပါ။ ဝက်ဘ်ဆိုက်တစ်ခုလုံးကို block လုပ်လိုက်တာမှာ မဟုတ်ပါဘူး။ ဝက်ဘ်ဆိုက်ရဲ့ အန္တရာယ်ကင်းတဲ့ အခြားpageတွေကို ကြည့်ရှုနိုင်မှာ ဖြစ်ပါတယ်။ AVG LinkScannerကို Windows XP, Windows Vista OSတွေမှာ သုံးနိုင်ပါတယ်။ Browserတွေအနေနဲ့တော့ Internet Explorer 6 or later, FireFox 2 or later versionတွေနဲ့ တွဲဖက်သုံးနိုင်မှာ ဖြစ်ပါတယ်။ AVG LinkScannerကို non-commercial purposeအဖြစ် အခမဲ့ဖြန့်ချိတာဖြစ်ပြီး http://linkscanner.avg.comမှာ download လုပ်နိုင်ပြီး file size 827KB ရှိပါတယ်။ Support လိုအပ်ရင်တော့ AVG free online forumဖြစ်တဲ့ http://www.avg.com/freeforum-guide-postမှာ သွားရောက်လေ့လာနိုင်ပါတယ်။

Post နောက်ဆက်တွဲ Comment

ကိုယ်ရေးတဲ့ Postကို ကိုယ်တိုင် Comment ပြန်ပေးချင်လို့ပါ။

personal information ခိုးယူခံရမယ်ဆိုတော့ ကျွန်တော်တို့အတွက် ပြဿနာမရှိလောက်သေးဘူးပေါ့။ ကျွန်တော်တို့နိုင်ငံက အင်တာနက်သုံးစွဲသူတွေရဲ့ personal informationဆိုလို့ credit card နံပါတ်တို့၊ bank accountတို့လို အရေးပါတဲ့ အချက်အလက်တွေ ရှိကြတာမှ မဟုတ်သေးတာ။ အွန်လိုင်းဆက်နွယ်တဲ့ အရေးကြီးအချက်အလက်ဆိုလို့ အတင်းပြောထားတဲ့ အီးမေးလ်တွေ၊ အပြန်အလှန် ကျူထားကြတဲ့ ချတ်တင်သမိုင်း(chat history)တွေနဲ့ ပလူပျံနေတဲ့ နိုင်ငံရေး၊ ညစ်ညမ်း၊ ပေါက်တတ်ကရ၊ copy&paste စာမူများ စတဲ့ forward mailတွေပဲ ရှိမှာပေါ့။ အင်တာနက်သုံးသူ အများစု(လူငယ်၊ လူလတ်၊ လူကြီး) ဒါပဲလုပ်စရာ ရှိသလိုဖြစ်နေတာကိုး။ ဒါတွေက ကျွန်တော်တို့ဆီမှာ အင်တာနက်သုံးစွဲသူတွေ အဓိကအားထားရာ အင်တာနက်ကဖေးတွေမှာ ကြည့်လိုက်ရင် ထင်သာမြင်သာရှိပါတယ်။ အွန်လိုင်းပေါ်ကို ကျွန်တော်တို့ တစ်ဘဝလုံး မရောက်သေးတာကို အကောင်းမြင်ကြည့်ရင်လည်း ကောင်းသလိုတော့ ရှိသား။ ဖြေတွေးလေး တွေးလို့ရအောင် ကိုယ်တွေ့တစ်ခုပြောချင်ပါတယ်။ ၂၀၀၇နှစ်ကုန်ပိုင်းလောက်က ထင်ပါတယ်။ မေးလ်တစ်စောင် ရောက်လာပါတယ်။ အာဖရိကနိုင်ငံတစ်ခုက ကောင်မလေးတစ်ယောက်ဆီကပါ။ အာဖရိကသူ ဆိုပေမယ့် မဲတူးနေတာတော့ မဟုတ်ပါ။ ပြောရရင် ဂျနီဖာလိုပက်ဇ်တို့လောက်တော့ အသားအရေရှိသား။ သူ့ဓာတ်ပုံလေးလည်း ထည့်ပို့လိုက်ပါသေးတယ်။ မေးလ်ထဲမှာ ရေးထားပါတယ်။ သူတို့နိုင်ငံက စစ်ဖြစ်နေတယ်ပေါ့။ သူကလည်း ဒုက္ခသည်စခန်းမှာပါ။ အင်တာနက်ကိုတော့ ခရစ်ယာန်ဘုရာရှိခိုးကျောင်း တက်တဲ့နေ့မှာ ခဏသုံးခွင့်ရပါတယ်ပေါ့။ သူ့အဖေက နိုင်ငံရေးသမားတစ်ဦးဖြစ်ပြီး အခုတော့ သေပြီတဲ့။ သူ့အဖေပိုင်ဆိုင်တဲ့ ဒေါ်လာသန်း(၂၀)ဟာ လန်ဒန်က ဘဏ်တစ်ခုမှာ ရှိနေတယ်ဆိုပဲ။ အဲဒီငွေကို သူ့အတွက် ကူညီထုတ်ပေးရင် ဒေါ်လာ(၁၀)သန်းပေးမယ့်အပြင် လူတစ်ကိုယ်လုံး ကျေးဇူးဆပ်မယ်တဲ့ဗျာ။ ပြောရရင်တော့ သိကြတဲ့အတိုင်း မေးလ်နဲ့လိမ်တာပေါ့။ အဲဒီတော့ နောက်ဆုံးချုပ်ပြောရရင် စာတစ်ကြောင်းတည်းပါတဲ့ reply မေးလ်တစ်စောင် ပြန်ပို့လိုက်ပါတယ်။ နောက်ဘယ်သောအခါမျှ အဲဒီကောင်မလေးဆီက မေးလ်ထပ်မလာတော့ပါဘူး။ အတော်ကို အဆင်ပြေပါတယ်။ ရေးလိုက်တဲ့စာတစ်ကြောင်းက “I live in Myanmar(Burma)”